India portuguesa

	colonia alministrativa
Alministración
Reinu	[[Reinu de Portugal\|{{{2}}}
Capital	Panaji (de 1843 a 1961); Goa Vieja (es) (hasta 1843); Goa
Xeografía
Coordenaes	2°11′20″N 102°23′04″E / 2.1889°N 102.3844°E
Economía
Moneda	rupia indo-portuguesa (es) y escudo indoportugués (es)

La India portuguesa (en portugués tamién Estáu da Índia) yera'l conxuntu de posesiones portugueses na India. Na dómina de la independencia india en 1947, la India portuguesa incluyía dellos enclaves na mariña occidental, incluyendo Goa, según los enclaves costeros de Damán (en portugués Damão) y Diu, y los enclaves de Dadra y Nagar Haveli, que tán nel interior. Los territorios de la India portuguesa, tamién formaron parte del imperiu español ente 1580 y 1640, tres la unificación ente España y Portugal cola Unión Ibérica. De cutiu recibíen el nome coleutivu de Goa, una y bones esta foi la principal plaza comercial.

L'estáu de la India portuguesa foi constituyíu col nomamientu del primer virréi, Francisco de Almeida, primeramente establecíu en Kochi, seis años dempués de la llegada de Vasco da Gama a la India. Tres la espansión territorial efectuada en 1510 por Afonso de Albuquerque, que conquistó Goa, recibió'l nome oficial d'Estáu Portugués de la India (Estáu Português da Índia).

Mientres dos sieglos tomó toles posesiones portugueses n'Índicu, namái en 1752 Mozambique dispunxo de gobiernu propiu y en 1844, l'Estáu Portugués de la India dexó d'alministrar los territorios de Macáu, Solor y Timor, viéndose confináu a la India.

Portugal detentó los derechos sobre varios enclaves de la mariña india dende la dómina de Vasco da Gama. Ente estos territorios incluyíense:

Goa.
Damán.
Diu.
Isla d'Angediva, al sur de Goa.
Dadra y Nagar Haveli, un exclave de Damán nel interior de Gujarat.
Simbor, enclave continental de Diu, al este d'esti territoriu.
Gogolá, enclave continental de Diu.

Antes de la independencia de la India en 1947 caltenía Goa, Damán, Diu, y Dadrá y Nagar Haveli, perdió esti últimu territoriu en 1954 y los trés restantes places n'avientu de 1961, cuando fueron ocupaos pola Unión India, (anque Portugal namái reconoció la ocupación tres la Revolución de los Claveles en 1975), terminando asina, tres cuatros siglo y mediu, l'Estáu Portugués de la India.